ამ თარიღის აღსანიშნავად იმერეთის მხარის მეცნიერთა კავშირმა „სპექტრმა“, 17 მარტს, ნარჩენების შეგროვების აქცია მოაწყო. მომზადდა სპეციალური ბანერი, რომლითაც მოსახლეობას მიეწოდათ ინფორმაცია ამ დღის მნიშვნელობის შესახებ. საინფორმაციო ბანერი მოუწოდებს მათ, მონაწილეობა მიიღონ ნარჩენების შეგროვებაში. ასევე, ინფორმაცია აქციის შესახებ სოციალური ქსელებით გავრცელდა.  

ორგანიზაციის ოფისის წინ დაიდგა სპეციალური კონტეინერები, პლასტიკისა და ქაღალდის ნარჩენების  შესაგროვებლად. დღის განმავლობაში არასამთავრობო ორგანიზაციებმა, სკოლის მოსწავლეებმა და  მოქალაქეებმა აქტიური მონაწილეობა მიიღეს ნარჩენების შეგროვების აქციაში.

დღის ბოლოს, შეგროვებული ნარჩენები შემდგომი გადამუშავებისათვის გადაეცათ რეციკლირების სფეროში მომუშავე მეწარმეებს.