თურქეთში მიწისძვრის შედეგად გარდაცვლილთა რიცხვმა 20 ათასს გადააჭარბა
მიწისძვრის შედეგად თურქეთში გარდაცვლილთა რიცხვმა 20 ათასს გადააჭარბა. ინფორმაციას ამის შესახებ თურქეთის ჯანდაცვის მინისტრი ფაჰრეთინ ქოჯა ავრცელებს.
ქოჯას თქმით, 10 თებერვლის საღამოსთვის გარდაცვლილთა რაოდენობა 20 213 ადამიანს შეადგენს. დაშავებულთა რაოდენობამ 80 ათასს გადააჭარბა.
მაშველები საძიებო-სამაშველო ღონისძიებებს აგრძელებენ. პარასკევს ბევრი ადამიანი იპოვეს, ვინც ნანგრევების ქვეშ 100 საათზე მეტი გაატარა.
სირიაში გარდაცვლილებთან ერთად, მიწისძვრის მსხვერპლთა რაოდენობა 24 ათასს უახლოვდება. „თეთრი ჩაფხუტების“ ინფორმაციით, რომლებიც სირიაში ოპოზიციის მიერ კონტროლირებად ტერიტორიაზე მუშაობენ, 10 თებერვლის დილისთვის გარდაცვლილთა რაოდენობა 2 037 ადამიანს შეადგენს. სირიის სახელმწიფო მედიის ინფორმაციით, მთავრობის მიერ კონტროლირებად ტერიტორიაზე 1 347 ადამიანია გარდაცვლილი.
სიახლეები
- “როდესაც შენ, კონკრეტული პოლიტიკური პარტიის ლიდერისგან ქირაობ რეზიდენციას და ამის შემდეგ გამოდიხარ ამ პოლიტიკური პარტიის გულმხურვალე მხარდამჭერად, აქ კითხვები ერთიორად მძაფრდება” - ირაკლი კობახიძე გერმანიის ელჩზე
- “საზოგადოებას აქვს სრული უფლება, იცოდეს ყველა დეტალი ამ გარიგების, როდესაც უცხო ქვეყნის ელჩი, რომელიც ვხედავთ, რომ გამოირჩევა ოპოზიციის ქომაგობითა და მხარდაჭერით” - შალვა პაპუაშვილი ფიშერის მიერ ხაზარაძის სახლის დაქირავებაზე
- შოვის ტრაგედიიდან ორი წელი გავიდა
- ბერძნული სალათა
- “მედვედევის პროვოკაციული განცხადებების შემდეგ, შესაბამის რეგიონებში ორი ბირთვული წყალქვეშა ნავის განლაგების ბრძანება გავეცი” - ტრამპი
