რუსი ტურისტებისთვის ნორვეგიის საზღვარი დაიკეტა
დღეიდან, 29 მაისიდან, ნორვეგია რუს ტურისტებს თავის ტერიტორიაზე აღარ შეუშვებს. ოფიციალურად ამოქმედდა ნორვეგიის მთავრობის მიერ 23 მაისს მიღებული გადაწყვეტილება რუსეთის მოქალაქეებისთვის დამატებითი შეზღუდვების დაწესების შესახებ.
დღეიდან ნორვეგია აღარ მიიღებს რუსეთის მოქალაქეებს, რომლებიც ქვეყანაში ჩადიან ტურისტული და სხვა „არაპირველხარისხოვანი მნიშვნელობის მიზნებით“.
უკრაინაში რუსეთის არმიის ფართომასშტაბიანი შეჭრიდან მალევე, 2022 წლის გაზაფხულზე, ნორვეგიის მთავრობამ გაამკაცრა რუსეთის მოქალაქეებისთვის ვიზების გაცემა. დღეიდან ამოქმედებული აკრძალვა ვრცელდება მათზეც, ვისაც ნორვეგიამ ვიზა 2022 წლის გაზაფხულამდე მისცა ან ვიზა მიიღო შენგენის შეთანხმების მონაწილე სხვა სახელმწიფოსგან.
ზოგიერთ შემთხვევაში გამონაკლისი დაიშვება რუსეთის იმ მოქალაქეებისთვის, რომლებიც ნორვეგიაში ჩადიან ახლო ნათესავების მოსანახულებლად, სამუშაოდ ან სასწავლებლად.
სიახლეები
- ,,მიგატოვებენ, ისრაელი აღარ გექნებათ, თუ კამალა ჰარისი პრეზიდენტი გახდება" - დონალდ ტრამპი
- ბატონმა პუტინმა ჩვენს არჩევნებზე საუბარი და მასში ჩარევა უნდა შეწყვიტოს, წერტილი - თეთრი სახლი
- სკოლაში გაჩენილ ხანძარს კენიაში 17 მოსწავლე ემსხვერპლა
- 7193 სამართალდარღვევა გამოვლინდა - გამონაბოლქვის დადგენილ ნორმებთან შეუსაბამობა
- ჯო ბაიდენის შვილმა ბრალდება აღიარა, ის გადასახადებს გადახდას არიდებდა თავს