წინასწარი მონაცემებით, აშშ-ის 47-ე პრეზიდენტი დონალდ ტრამპი გახდა, - ამის შესახებ ინფორმაციას Fox News-ი ავრცელებს.
უნგრეთის პრემიერ-მინისტრი ვიქტორ ორბანი დონალდ ტრამპს ულოცავს აშშ-ის საპრეზიდენტო არჩევნებში გამარჯვებას.
ამ დროისთვის დონალდ ტრამპს საარჩევნო კოლეგიის 246 ხმა აქვს, ხოლო კამალა ჰარისს 187, - ამის შესახებ ინფორმაციას CNN-ი ავრცელებს.
ამერიკის შეერთებულ შტატებში 5 ნოემბრის არჩევნების დღეს არაერთ უბანზე მიიღეს შეტყობინება შენობაში ბომბის არსებობის შესახებ. შემოწმებამ დაადასტურა, რომ ყველა შეტყობინება ცრუ იყო.
უკრაინის პრეზიდენტის ინფორმაციით, რუსეთის კურსკის ოლქში უკვე იმყოფება ჩრდილოეთ კორეის არმიის 11 ათასი სამხედრო. ეს რიცხვი ვოლოდიმირ ზელენსკიმ დაასახელა 4 ნოემბერს, ღამით უკრაინელებისადმი ვიდეომიმართვისას, რომელსაც წინ უძღოდა მისი შეხვედრა თავდაცვის სამინისტროს დაზვერვის მთავარი სამმართველოს და საგარეო დაზვერვის სამსახურის ხელმძღვანელებთან.
ჯო ბაიდენი მაია სანდუს მოლდოვის საპრეზიდენტო არჩევნებში ისტორიულ გამარჯვებას ულოცავს. აშშ-ის პრეზიდენტის განცხადებას თეთრი სახლი ავრცელებს.
