„კოვიდ-19“-ის პანდემია გლობალურად მწვავდება, ინდოეთში კი, სიტუაცია გულსატკენზე მეტია, – ამის შესახებ ჯანდაცვის მსოფლიო ორგანიზაციის ხელმძღვანელმა, ტედროს ადანომ გებრეისუსმა ჟენევაში გამართულ პრესკონფერენციაზე განაცხადა.
ჩერნობილის ატომურ ელექტროსადგურზე მომხდარი ავარიის 35-ე წლისთავთან დაკავშირებით უკრაინის უსაფრთხოების სამსახურმა ტრაგედიის მანამდე უცნობი მასალები გამოაქვეყნა. ისინი უწყების Facebook-გვერდზეა გამოქვეყნებული.
აზერბაიჯანის პრეზიდენტი ილჰამ ალიევი ისტორიულ შეცდომას უწოდებს აშშ-ის პრეზიდენტის, ჯო ბაიდენის მიერ სომეხთა გენოციდის აღიარებას.
სომხეთის პრემიერ-მინისტრი. ნიკოლ ფაშინიანი, ქვეყანაში ვადამდელი საპარლამენტო არჩევნების ჩატარების მიზნით, თანამდებობიდან გადადგა.
გლობალური დათბობა მსოფლიოს უფრო მეტად საშიშს ხდის, მას ჩვენს უსაფრთხოებაზე სერიოზული გავლენა აქვს, – ამის შესახებ ნატო-ს გენერალურმა მდივანმა, იენს სტოლტენბერგმა აშშ-ის პრეზიდენტ ჯო ბაიდენის ინიციატივით მიმდინარე კლიმატურ სამიტზე სიტყვით გამოსვლისას განაცხადა. კლიმატური სამიტი ვიდეოკონფერენციის რეჟიმში იმართება.
პლანეტა ზღვარზეა და კაცობრიობამ თავიდან უნდა აიცილოს თვითგანადგურების გზა, – ამის შესახებ რომის პაპმა ფრანცისკემ დედამიწის დღესთან დაკავშირებით გაკეთებულ ვიდეომიმართვაში ისაუბრა.
