ბრიტანული „ბი-ბი-სი“-ს რუსულმა სამსახურმა («BBC russian») გამოაქვეყნა ვრცელი სტატია სათაურით „ყველა მომხდარი რევოლუცია თავისებურად წარმატებულია: რამდენად ჰგავს ბელარუსული პროტესტები სხვა ქვეყნებში მომხდარ ანტისამთავრობო გამოსვლებს“, რომელშიც ერთმანეთთანაა შედარებული ბოლო 20 წლის განმავლობაში რიგ ქვეყნებში (სერბეთში, საქართველოში, სომხეთში და ა.შ.) განხორციელებულ რევოლუციებს.
გერმანული გამოცემა „ჰეისე“ («Heise») აქვეყნებს სტატიას სათაურით „როგორი იქნება ევროპული სახლი ბელარუსისათვის: პერსპექტივა“, რომელშიც საუბარია ბელარუსის „მომავალ ბედზე“ იმ შემთხვევაში, თუ მმართველი ელიტა ხელმძღვანელობიდან გადადგება (ავტორი - ჰერალდ ნოიბერი).
უკრაინის საინფორმაციო სააგენტო „უნიან“-მა («УНИАН») გამოაქვეყნა სტატია სათაურით „ვინ არის ალექსეი ნავალნი“, რომელშიც ცნობილი რუსი ოპოზიციონერის პოლიტიკური პორტრეტის ზოგიერთი შტრიხია გადმოცემული. მასალაში საუბარია ალექსეი ნავალნის შეხედულებებზე საქართველოს მიმართაც (ავტორი - ირინა შევჩენკო).
იაპონიის დედაქალაქ ტოკიოში ძლიერი სიცხეების გამო აგვისტოს თვეში დაღუპულთა რიცხვი 148-მდე გაიზარდა.
თურქეთში, ძლიერი წვიმებით გამოწვეული წყალდიდობის შედეგად ერთი ადამიანი დაიღუპა, ხოლო 12 პირს ამ დრომდე ეძებენ.
ბრიტანელმა მხატვარმა, საშა ჯაფრიმ მსოფლიოში უდიდესი ზომის ნახატის შესაქმნელად დუბაის სასტუმროს ყველაზე დიდი დარბაზი იქირავა.
