ნეიტრალურმა შვეიცარიამ მხარი დაუჭირა ევროკავშირის სანქციებს რუსი ოლიგარქების, ოფიციალური პირების, სახელმწიფოსა და კომპანიების წინააღმდეგ. კიდევ ერთხელ ვამბობ: ნეიტრალურმა შვეიცარიამ! მაშ, რას ელოდება ზოგიერთი სხვა ქვეყანა?- ამის შესახებ უკრაინის პრეზიდენტმა ვოლოდიმირ ზელენსკიმ დღეს გავრცელებულ მიმართვაში განაცხადა.
რუსეთს შეუძლია დაივიწყოს სპორტული ტურნირები და მსოფლიო კულტურა, მას მხოლოდ საერთაშორისო ტრიბუნალი ელის, - ამის შესახებ უკრაინის პრეზიდენტმა ვოლოდიმირ ზელენსკიმ პრეზიდენტის ოფისში გაკეთებული ვიდეომიმართვისასა განაცხადა.
ბრიტანულ გაზეთ „გარდიანში“ (The Guardian) გამოქვეყნებულია სტატია სათაურით „რატომ წააგო უკვე ომი ვლადიმერ პუტინმა“ (ავტორი - იუვალ ნოა ჰარარი).
სუმის ოლქის ქალაქ ახტირკაში რუსულმა ძალებმა უკრაინულ სამხედრო ნაწილს საარტილერიო ცეცხლი გაუხსნეს, დაღუპულია 70 მებრძოლი, - ინფორმაციას უკრაინული მედია სუმის რეგიონული სამხედრო ადმინისტრაციის უფროსზე, დმიტრი ჟივიცკიზე დაყრდნობით ავრცელებს.
დიდი ბრიტანეთის პრემიერ-მინისტრმა, ბორის ჯონსონმა პირობა დადო, რომ გაერთიანებული სამეფო რუსეთზე „მაქსიმალურ ზეწოლას განაგრძობს“. ამის შესახებ BBC იტყობინება.
აყარეთ თქვენი იარაღი და წადით. არ დაუჯეროთ თქვენს მეთაურებს, არ დაუჯეროთ თქვენს პროპაგანდისტებს, უბრალოდ გადაარჩინეთ თქვენი სიცოცხლე და წადით, - ასე მიმართა უკრაინის პრეზიდენტმა ვოლოდიმირ ზელენსკიმ უკრაინაში შეჭრილ რუს სამხედროებს რუსულ ენაზე.
