როდესაც უსაფრთხოების გარანტიებზე ვსაუბრობთ, ეს ევროპის კონტინენტის მთელ უსაფრთხოებას ეხება, – ამის შესახებ საფრანგეთის პრეზიდენტმა, ემანუელ მაკრონმა თეთრ სახლში აშშ-ის პრეზიდენტ, დონალდ ტრამპსა და ევროპელ ლიდერებს შორის შეხვედრაზე განაცხადა.
,,ყველას თანაბრად გვსურს ამ ომის სწრაფად და საიმედოდ დასრულება. მშვიდობა კი უნდა იყოს ხანგრძლივი. არა ისე, როგორც წლების წინ იყო, როდესაც უკრაინა იძულებული გახდა დაეთმო ყირიმი და ჩვენი აღმოსავლეთის ნაწილი - დონბასის ნაწილი - და პუტინმა ეს უბრალოდ ახალი შეტევისთვის პლაცდარმად გამოიყენა. ან როდესაც 1994 წელს უკრაინას სავარაუდოდ „უსაფრთხოების გარანტიები“ მიეცა, მაგრამ ეს არ გამოვიდა. რა თქმა უნდა, მაშინ ყირიმის დათმობა არ ღირდა, ისევე როგორც 2022 წლის შემდეგ უკრაინელებმა არ დათმეს კიევი, ოდესა, ხარკოვი. უკრაინელები იბრძვიან თავიანთი მიწისთვის, დამოუკიდებლობისთვის. ახლა ჩვენი ჯარისკაცები წარმატებებს აღწევენ დონეცკისა და სუმის რეგიონებში. დარწმუნებული ვარ, რომ ჩვენ დავიცავთ უკრაინას, ეფექტურად უზრუნველვყოფთ მის უსაფრთხოებას და ჩვენი ხალხი ყოველთვის მადლიერი იქნება პრეზიდენტ ტრამპის, ყველა პარტნიორის მხარდაჭერისა და ფასდაუდებელი დახმარებისთვის. რუსეთმა უნდა დაასრულოს ეს ომი, რომელიც თავად დაიწყო. და იმედი მაქვს, რომ ჩვენი ერთობლივი ძალა ამერიკასთან, ჩვენს ევროპელ მეგობრებთან ერთად რუსეთს აიძულებს ნამდვილი მშვიდობის დამყარებას" -წერს უკრაინის პრეზიდენტი, ვოლოდიმირ ზელენსკი ვაშინგტონში ჩასვლის შემდეგ.
ურსულა ფონ დერ ლაიენი მიესალმება ტრამპის „მე-5 მუხლის მსგავს“ უსაფრთხოების გარანტიებს და ამბობს, რომ უკრაინა უნდა გახდეს „ფოლადის ზღარბი, რომელიც პოტენციური დამპყრობლებისთვის უგემური და ძნელად მოსანელებელია“.
რუსების მიერ უკრაინის ქალაქ ხარკოვში მომხდარ შეტევას, სულ მცირე, ხუთი ადამიანი ემსხვერპლა. ადგილობრივი ხელისუფლების ინფორმაციით, დაღუპულებს შორის ორი ბავშვია.
პაკისტანსა და პაკისტანის მიერ მართულ ქაშმირში წყალდიდობებმა და მეწყრებმა ნგრევა და სიკვდილი გამოიწვია. ამჟამად დადასტურებულია 307 ადამიანის დაღუპვა, თუმცა ვარაუდობენ, რომ ეს რიცხვი გაიზრდება.
უკრაინის პრეზიდენტმა ვოლოდიმირ ზელენსკიმ განაცხადა, რომ ორშაბათს ვაშინგტონში აშშ-ის პრეზიდენტ დონალდ ტრამპთან შეხვედრას გეგმავს. ზელენსკისა და ტრამპს შორის „ხანგრძლივი და შინაარსიანი“ საუბარი მას შემდეგ გაიმართა, რაც აშშ-ის ლიდერი რუსეთის პრეზიდენტ ვლადიმირ პუტინს ალასკაში შეხვდა, ამ შეხვედრამ ომის დასრულების შესახებ შეთანხმება ვერ უზრუნველყო.
