,,ვსვამთ კითხვას – რა მიზანს ემსახურება ქართულ სახელმწიფოზე ზეწოლა და რა კავშირი აქვს რუსეთთან ბრძოლასთან''- მაკა ბოჭორიშვილი
“ვერ დავეთანხმები ვერავის, რომ ასეთი მეთოდებით საქართველოსთან დამოკიდებულებით რაიმე გავლენას ახდენენ საერთოდ რუსეთის დასუსტებაზე”,- ამის შესახებ საგარეო საქმეთა მინისტრმა, მაკა ბოჭორიშვილმა, ბრიტანეთის ელჩ, გარეტ უორდისთან შეხვედრის შემდეგ ჟურნალისტებს განუცხადა, რომელიც საგარეო უწყებაში დიდი ბრიტანეთის მიერ „იმედისა“ და POSTV-ისთვის სანქციების დაწესების გამო იყო დაბარებული.
ბოჭორიშვილის თქმით, როდესაც ქართულ საზოგადოებაზე ზეწოლა ხდება, ეს კითხვებს აჩენს.
„ვრცელდება ინფორმაციები, რაც ადასტურებს თუ რა რაოდენობის ვაჭრობას ახორციელებენ დიდ ბრიტანეთში დარეგისტრირებული კომპანიები რუსეთთან. ასეთი მასალები არსებობს, რომელიც წარმოდგენილია არამხოლოდ ქართულ, საერთაშორისო მედიაში და კვლევებს ეფუძნება. რა თქმა უნდა, ამ ფონზე როდესაც ხდება ქართულ საზოგადოებაზე ზეწოლა, კითხვებს აჩენს. არ გვეშინია ამ კითხვების დასმა.
ჩვენ ვსვამთ კითხვას: რა მიზანს ემსახურება ქართულ სახელმწიფოზე, საზოგადოებაზე ზეწოლა და რა კავშირი აქვს მას საერთოდ რუსეთთან ბრძოლასთან, როგორც ისინი გვეუბნებიან რომ ებრძვიან რუსეთს. ვერაფრით ვერ დავეთანხმები ვერავის, რომ ასეთი მეთოდებით საქართველოსთან დამოკიდებულებით რაიმე გავლენას ახდენენ საერთოდ რუსეთის დასუსტებაზე. ამაზე ვერ დავეთანხმები“,- აცხადებს ბოჭორიშვილი.
სიახლეები
- გიორგი გამსახურდია – ბრიტანეთის მიერ თავისუფალ მედიაზე თავდასხმაზე: ბრალდების შინაარსი – თუ რატომ აშუქებენ მოვლენებს დამოუკიდებლად და ობიექტურად, უბედურება კიდევ ის არის, რომ ე.წ. ოპოზიციას ეს ამბავი უხარია, დადგება თავის ადგილზე ყველაფერი, თან ძალია
- შოკოლადის მაფინი
- ,,ბრიტანეთის ელჩთან შეხვედრის შემდეგ - 40 წუთის განმავლობაში არ მომისმენია არცერთი არგუმენტი, რომელიც გაამართლებდა გადაწყვეტილებას ტელეკომპანია „იმედსა“ და POSTV-ისთან დაკავშირებით''- მაკა ბოჭორიშვილი
- “არაერთი შემთხვევა გვინახავს, როცა დიპლომატები ნეგატიურ როლს თამაშობენ ქვეყნებს შორის გაჩაღებულ არასწორ პროცესებში იმის ნაცვლად, რომ გაუგებრობების აღმოფხვრას ემსახურებოდნენ” – წილოსანი
- 183 შეკვრად დაფასოებული ნარკოტიკი ამოიღეს - დაკავებულია უცხო ქვეყნის მოქალაქე
