მისი განცხადებით, „ქართული ოცნების“ ბევრი დეპუტატი უკვე ნანობს, რომ მის დაპატიმრებაზე პროკურატურისთვის თანხმობის მიცემას კენჭისყრაზე მხარი დაუჭირა.

„სამართლებრივ აბსურდში გაეხვა მთელი ეს საქმე და მკაფიოდ, შავზე თეთრი უნდა თქვას ამ მოსამართლემაც. ძალიან დიდ სირთულეებთან არის დაკავშირებული ამ შეკერილი საქმის გამო ჩემი დაკავება. სურვილი დიდი აქვთ იმიტომ, რომ მათთვის წარმოუდგენელია, შესაძლებლობა მქონდეს, პარლამენტში ვიარო, როგორც მოქმედმა დეპუტატმა. მათ ეგონათ, რომ მე ამას ვეღარ შევძლებდი. მათთვის მე ხომ უკვე დაჭრილი ვარ? - დაჭრილი მხეცი ხომ უფრო საშიშია? დაახლოებით ასე მიყურებენ, მათთვის მე კოლეგა აღარ ვარ. წარმოუდგენელი რამ გააკეთებინეს. მტკიცებულებები არ იყო და ისე უყარეს კენჭი, რასაც ნანობს ბევრი მათგანი. მათ ადგილზე მეც დიდ მორალურ და ფსიქოლოგიურ დისკომფორტს ვიგრძნობდი,“ - განაცხადა ნიკა მელიამ.