ავტორი საქართველოში რამდენჯერმე იმყოფებოდა გაეროსა და ეუთოს ეგიდით, რუსეთთან კონფლიქტის შემდეგ, აკვირდება ქვეყნის ეკონომიკურ მდგომარეობას და აკეთებს დასკვნას, რომ გარკვეული ეკონომიკური წარმატების, საერთაშორისო ინვესტიციებისათვის მიმზიდველი ბიზნესკლიმატის შექმნისა და კორუფციასთან წარმატებულ ბრძოლასთან ერთად, საქართველოს მთავრობა ზოგჯერ არასწორ გადაწყვეტილებებს იღებს, რითაც ქვეყნის პოზიციებს ზიანს აყენებს როგორც ეკონომიკური, ასევე გეოპოლიტიკური თვალსაზრისით.

ექსპერტი საუბრობს ანაკლიის ნავსადგურის მშენებლობასთან, „ფრონტერა“-სთან „კავკაზუს ონლაინ“-თან დაკავშირებულ გახმაურებულ შემთხვევებზე. ამის შესახებ საქართველოს ხელისუფლებასთან უკვე ჰქონდათ საუბრები ევროკავშირისა და აშშ-ის წარმომადგენლებს: მათ მაღალ დონეზე შეაფასეს საქართველოს მიერ მიღწეული პროგრესი, მაგრამ იმავდროულად მიუთითეს კანონის უზენაესობის დაცვის აუცილებლობაზე, საინვესტიციო კლიმატის გასაუმჯობესებლად სტრუქტურული რეფორმების გატარებისა და რუსეთის გავლენის გაძლიერების დაუშვებლობის თაობაზე.

„გასათვალისწინებელია, რომ იმ ქვეყანაში, სადაც ინვესტორებისათვის პირობები არაა შექმნილი და სადაც მათი კაპიტალი ექსპროპრიაციის საფრთხის წინაშე დგას, ეკონომიკური განვითარება საეჭვო ხდება. აშკარაა, რომ „რუსული დათვი“ მეზობლების მიმართ ჯერ კიდევ აგრესიულად იქცევა - „მოჩანს აჩრდილი იმისა, რომ რუსეთი მთიანი ყარაბაღისა და ბელარუსის ამბებში ჩაერევა...“. იმ დროს, როცა პოტენციური ინვესტორები ბრექსიტისა და პანდემიის შემდეგ ახალი ბაზრების ასათვისებლად ემზადებიან, ამ დროს საქართველოს პოტენციალი საფრთხის წინაშე დგას“, - აღნიშნავს ბრეტ ლავგროუვი.

მოამზადა სიმონ კილაძემ

წყაროები:

https://ru.euronews.com/2020/10/29/georgia-campaign

https://www.euronews.com/2020/10/29/georgia-s-potential-at-risk-because-of-creeping-russian-influence-and-private-interests-vi