უკრაინასთან ცალმხრივი მეგობრობა გაგრძელდება. სამწუხაროა, რომ ამის თქმა გვიწევს, მაგრამ რაღაც ეტაპზე ჩვენ სიმართლე უნდა ვთქვათ, – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.
ნიკა მელია და ნიკა გვარამია ერთიანდებიან. მათი გაერთიანების სახელწოდება იქნება "ახალი", არჩევნებში მონაწილეობას საარჩევნო ნომერი 4-ით მიიღებენ.
ჩვენ მივესალმებით თუკი აზერბაიჯანის მხარე მიიღებს შესაბამის გადაწყვეტილებას და გახსნის საზღვარს, - ამის შესახებ საგარეო საქმეთა მინისტრმა ილია დარჩიაშვილმა მთავრობის სხდომის დასრულების შემდეგ კითხვის საპასუხოდ განაცხადა.
რუსეთი იმაზე მეტ საარტილერიო ჭურვს აწარმოებს, ვიდრე ეს უკრაინის დასახმარებლად შეუძლიათ აშშ-ს და ევროპას. ამის შესახებ ევროპის და ნატოს სადაზვერვო სამსახურების წარმომადგენლებზე დაყრდნობით იუწყება ამერიკული ტელეკომპანია CNN-ი. მისი წყაროების თანახმად, რუსეთი ყოველთვიურად აწარმოებს 250 ათასამდე საარტილერიო ჭურვს, ანუ წელიწადში დაახლოებით 3 მილიონს. აშშ-ს და ევროპის სახელმწიფოებს შეუძლიათ უკრაინა ყოველწლიურად მოამარაგონ 1,2 მილიონი ჭურვით.
საქართველოს პრემიერ-მინისტრი ირაკლი კობახიძე აცხადებს, რომ მთავრობის ადმინისტრაციის შენობასთან რკინის ღობის მოხსნის გადაწყვეტილება ძალოვან უწყებებთან კონსულტაციების გავლის შემდეგ გადაწყვიტა. წინა პრემიერის, ირაკლი ღარიბაშვილის, დროს მიღებული გადაწყვეტილების შეცვლაზე კობახიძეს მთავრობის ადმინისტრაციაში გამართულ ბრიფინგზე ჰკითხეს.
ურთიერთობების მოსაწესრიგებლად მნიშვნელოვანი და აუცილებელია, უკრაინის ხელისუფლებამ საქართველოს გადასცეს დამნაშავეები, რომლებიც დღეს უკრაინის ხელისუფლებაში მაღალ თანამდებობებს იკავებენ, – ამის შესახებ საქართველოს მთავრობის განცხადებაშია ნათქვამი.
