კულტურის მინისტრი თეა წულუკიანი ყოფილი პრეზიდენტის კადრებს ეხმაურება და ამბობს, რომ მიხეილ სააკაშვილი სიმულიანტობს. ჟურნალისტებთან კომენტარში თეა წულუკიანმა აღნიშნა ისიც, რომ მიხეილ სააკაშვილი სასჯელის "არიდებითაა დაკავებული".
საქართველოს პარლამენტში მმართველი პარტიის, "ქართული ოცნების" ფრაქციის თავმჯდომარე ამბობს, რომ ევროპარლამენტში მიღებულ რეზოლუციას "კორუფციული საფუძველი ჰქონდეს". ასე შეაფასა მამუკა მდინარაძემ ჟურნალისტებთან რეზოლუციაში ბიძინა ივანიშვილის სანქცირებასთან დაკავშირებით არსებული ჩანაწერი.
"საქართველოს ფსევდო მოყვარული ადამიანები, თითქოს საქართველოს საქმეს აკეთებენ, მაგრამ საბოტაჟს უწევენ ამ ქვეყანას, როდესაც კანდიდატის სტატუსზე მიდის საუბარი. გონივრული და საფუძვლიანი ეჭვია, რითაც შეიძლება გამართლდეს მათი მოქმედება, რომ საფუძველი შეიძლება იყოს კორუფცია. სხვა ახსნა ასეთ მავნებლობას არ აქვს. ამას ლოგიკური ახსნა შეიძლება ჰქონდეს - კორუფცია, მათ შორის პოლიტიკური კორუფცია და მხოლოდ ფინანსებზე არაა საუბარი. სხვა ახსნა, რომ სემ მიქსერმა, რომელიც მხარი არ დაუჭირა შესწორების შემდეგ, ახსნადი არაა", - განაცხადა მამუკა მდინარაძემ.
მანვე მავნებლობა უწოდა რეზოლუციას მასში არსებული ჩანაწერების გამო:
"წარმოიდგინეთ, მე როგორც კანონმდებელს, გამომქონდეს რომელიმე კანონპროექტი ან რეზოლუცია და შემდეგ ლობისტებმა ისეთი ჩასწორებები უზრუნველყონ, რომ მე მხარი არ დავუჭირო. რამდენად გაუფასურდა მთლიანად რეზოლუცია. მთლიანად ეს რეზოლუცია ლობისტების მიერ ჩამატებული, ჩაკვეხებული ჩანაწერის გამო არის მავნებლობა საქართველოს მიმართ",-განაცხადა მდინარაძემ.
გუშინ, 14 დეკემბერს ევროპის პარლამენტმა მიიღო რეზოლუცია საქართველოს ევროკავშირთან ასოცირების შეთანხმებით ნაკისრ ვალდებულებებთან დაკავშირებით. დეპუტატები წუხან, რომ საქართველოში დემოკრატია სუსტდება და მოუწოდებენ ხელისუფლებას, გაათავისუფლოს პატიმრობაში მყოფი ექსპრეზიდენტი მიხეილ სააკაშვილი.
ევროპულ საბჭოს კი სთხოვენ, დაუწესოს სანქციები ბიძინა ივანიშვილს, რომელიც რეზოლუციაში მოხსენიებულია არა მხოლოდ "ყოფილ პრემიერ-მინისტრად", არამედ "ოლიგარქადაც".
გუშინ სისტემამ მთელი მსოფლიოს დასანახად ბოლომდე გაიფარჩაკა თავი, – ამის შესახებ აღნიშნულია საქართველოს ყოფილი პრეზიდენტის, მიხეილ სააკაშვილის წერილში.
მთავრობა პასუხისმგებელია იმაზე, რომ მიხეილ სააკაშვილის უფლებები დაცული იყოს, იღებდეს იმ სამედიცინო დახმარებას, რაც ესაჭიროება და დაცული იყოს სამართლიანი სასამართლო პროცესით უზრუნველყოფის უფლება. ეს არის არსებითად მთავრობის პასუხისმგებლობა, - ამის შესახებ საქართველოში აშშ-ის ელჩმა, კელი დეგნანმა განაცხადა, რითაც უპასუხა შეკითხვას მიხეილ სააკაშვილის კადრების გამოქვეყნებასთან დაკავშირებით.
„გირჩის“ წევრის, იაგო ხვიჩიას შეფასებით, მიხეილ სააკაშვილის კადრების გამოქვეყნება ხელისუფლების მხრიდან შეცდომა იყო.
არსებობს მაღალი საჯარო ინტერესი და გავრცელებულმა ინფორმაციამ კიდევ ერთხელ დაადასტურა ის, რაზეც აქამდე ბევრ ადამიანს ჰქონდა ეჭვი და კითხვის ნიშნები რომ პაციენტი არ თანამშრომლობს ექიმებთან, ის ასევე არ იკვებება სრულფასოვნად შესაბამისად, მკურნალობის შედეგების კრიტიკა, ექიმების კრიტიკა, პენიტენციური ჯანდაცვის სისტემის დისკრედიტაცია ამ შემთხვევაში გახლავთ უსაფუძვლო, – ამის შესახებ საპარლამენტო უმრავლესობის წევრმა, არჩილ თალაკვაძემ განაცხადა.
