პარტია "ქართული ოცნების" თბილისის მერობის კანდიდატმა, კახი კალაძემ პარტიის ოფისში გამართულ ბრიფინგზე განაცხადა, რომ პირველივე ტურში გამარჯვების მოლოდინი ჰქონდა და ამის ყველა წინაპირობა არსებობდა.
"ყველასთვის ცნობილია, რომ ჩვენს მომხრეებზე მთელი წინასაარჩევნო პერიოდის განმავლობაში და უშუალოდ გუშინ, არჩევნების დღეს, მიმდინარეობდა უპრეცედენტო სისტემური ზეწოლა“ - ამის შესახებ პარტია „საქართველოსთვის“ პოლიტსაბჭოს წევრმა, ანა ბუჩუკურმა პარტიის ცენტრალურ ოფისში გამართულ ბრიფინგზე განაცხადა.
20:00 საათის მონაცემებით, ქუთაისში არჩევნებზე 68 509 ამომრჩეველი მივიდა, რაც ამომრჩეველთა საერთო რაოდენობის 44.53%-ს შეადგენს.
ტელეკომპანია „იმედის“ დაკვეთით ორგანიზაცია „გორბის“ მიერ ჩატარებული ეგზიტპოლების შედეგების მიხედვით, 2021 წლის თვითმმართველობის არჩევნებში „ქართული ოცნება-დემოკრატიულმა საქართველომ“ 47,6% მიიღო, მეორე ადგილზეა „ნაციონალური მოძრაობა“- 27, 1%.
Ipsos-ის მიერ, ტელეკომპანია „მთავარის“ დაკვეთით ჩატარებული ეგზიტპოლის შედეგების მიხედვით, თვითმმართველობის არჩევნებში „ქართულ ოცნებას“ ხმას ამომრჩეველთა 38, 6 % აძლევს. მეორე ადგილზეა „ნაციონალური მოძრაობა“ 33 %-ით.
Edison Research-ის ეგზიტპოლის შედეგებით, რომელიც ტელეკომპანია „ფორმულას“ დაკვეთით ჩატარდა, თბილისში არჩევნების მეორე ტური იქნება.
