"არ გვაქვს საკმარისი ძალა, რათა სასურველ შედეგს უფრო სწრაფად მივაღწიოთ, თუმცა ეს არ ნიშნავს, რომ უნდა დავნებდეთ"
უკრაინის პრეზიდენტის, ვოლოდიმირ ზელენსკის განცხადებით, რუსეთთან ომი ახალ ეტაპზე გადავიდა. ამის შესახებ მან The Associated Press-თან ინტერვიუში განაცხადა.
„ფაქტია, რომ ომი ახალ ეტაპზე გადავიდა. ზამთარი ომის სრულიად ახალ ეტაპს წარმოადგენს“, - აღნიშნა ზელენსკიმ.
კითხვაზე, რომელიც კონტრიერიშის ეფექტურობას ეხებოდა, უკრაინის პრეზიდენტმა კომპლექსური პასუხი გასცა.
„ჩვენ უკან არ ვიხევთ, მე ამით კმაყოფილი ვარ. ვებრძვით მსოფლიოში ნომერ მეორე არმიას, მე ამითაც კმაყოფილი ვარ. თუმცა ვკარგავთ ხალხს, რითაც კმაყოფილი არ ვარ. არ მივიღეთ ის შეიარაღება, რაც გვსურდა - ამით კმაყოფილი ვერ ვიქნები, თუმცა ვერც ზედმეტად პრეტენზიული ვიქნები“, - აღნიშნა ზელენსკიმ.
მისივე თქმით, უკრაინას უფრო სწრაფად სურდა შედეგების მიღწევა და ამ კუთხით, სამწუხაროდ, დასახული მიზნები ვერ შესრულდა.
„უკრაინას არ ჰქონდა ის შეიარაღება, რომლის მიღებაც სურდა მოკავშირეებისგან. ჩვენი შეიარაღებული ძალების შეზღუდული შესაძლებლობები სწრაფ წინსვლას გამორიცხავდა. არ გვაქვს საკმარისი ძალა, რათა სასურველ შედეგს უფრო სწრაფად მივაღწიოთ. თუმცა ეს არ ნიშნავს, რომ უნდა დავნებდეთ“, - აღნიშნა უკრაინის პრეზიდენტმა.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი