ნიუ-იორკის შტატში დღე-ღამეში კორონავირუსით გარდაცვალების რეკორდული მაჩვენებელი დაფიქსირდა
აშშ-ის ნიუ-იორკის შტატში ერთი დღე-ღამის განმავლობაში კორონავირუსით კიდევ 731 ადამიანი დაიღუპა.
აქამდე არსებულ მონაცემებს შორის, ეს ამ შტატში სიკვდილიანობის ყველაზე მაღალი მაჩვენებელია. ბოლო მონაცემებით, ნიუ-იორკის შტატში ჯამში 138,836 ადამიანია ინფიცირებული, ხოლო 5,489 გარდაცვლილი.
მონაცემები პრესკონფერენციაზე ნიუ-იორკის შტატის გუბერნატორმა ენდრიუ კუომომ წარადგინა. მისივე თქმით, ადგილობრივმა და ფედერალურმა მთავრობებმა ქალაქ ნიუ-იორკში საავადმყოფოებზე არსებული წნეხის შესამსუბუქებლად დაახლოებით 3 000 საწოლიანი ახალი საველე ჰოსპიტალი მოაწყეს.
ნიუ-იორკის შტატის შემდეგ, კორონავირუსის ეპიდემიამ ყველაზე მეტად მოიკიდა ფეხი მეზობელ ნიუ ჯერსის შტატში. აქ 41,090 ინფიცირებული და 1000-ზე მეტი გარდაცვლილია.
რაც შეეხება მთლიანად შეერთებულ შტატებს, ქვეყანაში ჯამში 380,000-ზე მეტი ინფიცირებულია. ვირუსს ემსხვერპლა 12 000-მდე ადამიანი, ხოლო მისგან განიკურნა 21 300 პაციენტი.
სიახლეები
- "ომით ვერ შევძლებთ ტერიტორიების დაბრუნებას და ქვეყნის გაერთიანებას, ამიტომ ჩვენი სტრატეგიული მოთმინების და მშვიდობიანი პოლიტიკა ტერიტორიების მშვიდობიანი დაბრუნების და გაერთიანებისკენ არის მიმართული"
- "2008 წლის ომი გარე დაკვეთით, სწორედ „ნაციონალებმა“ დაიწყეს" - ბიძინა ივანიშვილი
- როგორ უნდა ვებრძოლოთ გენდერული ნიშნით ძალადობის პრობლემას
- "პოლიცია მუშაობს, აუცილებლად იქნება დასჯილი დამნაშავე" - თეიმურაზ კუპატაძე კესარია აბრამიძის მკვლელობის საქმეზე
- "კესარია აბრამიძის მკვლელობის ფაქტი კიდევ ერთი დასტურია იმისა, რომ სიძულვილისა და გენდერული იდენტობის მოტივით ჩადენილი დანაშაულების მიმართ სამართალდამცავი ორგანოების და საზოგადოების რეაგირება განსაკუთრებით მკაცრი უნდა იყოს"