"სამყარო გასაჭირშია და პანდემიასთან ბრძოლაში ერთიანობას საჭიროებს - გულგრილობა, ეგოიზმი, ამ დროს არ უნდა გვესმოდეს"
რომის პაპმა ფრანცისკემ მსოფლიო ლიდერებს მოუწოდა, რომ კორონავირუსის პანდემიის განმავლობაში არ დაივიწყონ მოწყვლადი ადამიანები.
მან აღდგომის დღესასწაულზე სიტყვით გამოსვლისას, ხელისუფლებებს მოუწოდა, რომ შეასუსტონ საერთაშორისო სანქციები და შეუმცირონ ან აპატიონ ვალები ღარიბ ქვეყნებს.
პაპის თქმით, სანქციები ქვეყნებს მოქალაქეების ადეკვატურ დახმარებას ურთულებს.
„ახლა არ არის გულგრილობის დრო, რადგან მთელი სამყარო გასაჭირშია და პანდემიასთან ბრძოლაში ერთიანობას საჭიროებს. გულგრილობა, ეგოიზმი, დაყოფა და გულმავიწყობა ის სიტყვებია, რომლებიც ამ დროს არ უნდა გვესმოდეს. ჩვენ გვსურს, რომ ეს სიტყვები სამუდამოდ ამოვშალოთ“, - აღნიშნა რომს პაპმა.
მისივე თქმით, კორონავირუსის გამო ევროკავშირი განსაკუთრებით აღმოჩნდა „ეპოქალური გამოწვევების“ წინაშე.
„მეორე მსოფლიო ომის შემდეგ, ამ კონტინენტმა კვლავ შეძლო აღორძინება სოლიდარული სულისკვეთების წყალობით და წარსული პაექრობა გადალახა. ახლა, როგორც არასდროს, აუცილებელია, რომ წარსულმა მეტოქეობამ კვლავ არ იჩინოს თავი, არამედ, ყველამ თავი იგრძნოს ერთი ოჯახის წევრად და ერთმანეთს მხარში დაუდგეს“, - აღნიშნა პაპმა.
შეგახსენებთ, რომ რომის პაპმა სააღდგომო წირვა წმინდა პეტრეს თითქმის ცარიელ ტაძარში აღავლინა.
სიახლეები
- "ომით ვერ შევძლებთ ტერიტორიების დაბრუნებას და ქვეყნის გაერთიანებას, ამიტომ ჩვენი სტრატეგიული მოთმინების და მშვიდობიანი პოლიტიკა ტერიტორიების მშვიდობიანი დაბრუნების და გაერთიანებისკენ არის მიმართული"
- "2008 წლის ომი გარე დაკვეთით, სწორედ „ნაციონალებმა“ დაიწყეს" - ბიძინა ივანიშვილი
- როგორ უნდა ვებრძოლოთ გენდერული ნიშნით ძალადობის პრობლემას
- "პოლიცია მუშაობს, აუცილებლად იქნება დასჯილი დამნაშავე" - თეიმურაზ კუპატაძე კესარია აბრამიძის მკვლელობის საქმეზე
- "კესარია აბრამიძის მკვლელობის ფაქტი კიდევ ერთი დასტურია იმისა, რომ სიძულვილისა და გენდერული იდენტობის მოტივით ჩადენილი დანაშაულების მიმართ სამართალდამცავი ორგანოების და საზოგადოების რეაგირება განსაკუთრებით მკაცრი უნდა იყოს"