"როცა ზოგიერთ ქვეყანაში ჩინეთის მიმართ გამოთქმული პრეტენზიები მესმის, თმები ყალყზე მიდგება"
რუსეთის საგარეო საქმეთა მინისტრს, დაუშვებლად მიაჩნია ჩინეთისთვის პრეტენზიების წაყენება კორონავირუსის პანდემიასთან დაკავშირებით.
„ჩვენ ამას ვხედავთ, ჩვენ ეს გვესმის. ეს სამწუხაროა, იმიტომ, რომ ჩვენი ჩინელი მეგობრები, რომელთაც გადალახეს ეპიდემიის პიკი თავიანთ ქვეყანაში, რომლებიც ეკონომიკას ნორმალურ რეჟიმში აბრუნებენ, საკუთარ თავში არ იკეტებიან. ისინი ყველანაირად ცდილობენ დაეხმარონ სხვა ქვეყნებს, რომ გაუზიარონ თავისი გამოცდილება, რომელიც გამოიმუშავეს ამ ბოროტებასთან ბრძოლის დროს“,-აღნიშნა ლავროვმა ჟურნალისტებთან ვიდეოკონფერენციით საუბრისას.
მისივე თქმით, ჩინეთი ვალდებული არ არის ყველას გადაუხადოს კომპენსაცია იმის გამო, რომ ვირუსი „იქ დაიწყო და თითქოსდა ვიღაცამ ვიღაცას ინფორმაცია დროულად არ მიაწოდა“.
„როცა გვესმის იმის განხილვა, რომ ჩინეთი ვალდებულია ყველას გადაუხადოს იმის გამო, რომ ეს ინფექცია გაჩნდა და თითქოსდა ვიღაცამ ვიღაცას დროულად არ მიაწოდა ინფორმაცია, ეს გადადის ყველა ზღვარს. გავიგე, რომ ვიღაც ლონდონში თვლის, რომ ჩინეთმა უნდა გადაუხადოს 3 ტრილიონ 700 მილიარდი დოლარი ან ევრო ევროკავშირს იმ ზარალისთვის, რაც მას ამ პანდემიისგან მიადგა... თმები ყალყზე მიდგება, როცა ასეთი რაღაცები მესმის“,-დასძინა ლავროვმა.
ცნობისთვის, ჩინეთი კონკრეტულმა სამოქალაქო პირებმა და პოლიტიკოსებმა ინფორმაციის დამალვის გამო არაერთხელ დაადანაშაულეს. პეკინი ოფიციალურად გააკრიტიკა აშშ-ის პრეზიდენტმა, დონალდ ტრამპმაც. მისი თქმით, მათ რომ დაავადების შესახებ რეალური ინფორმაციას სცოდნოდათ, პანდემიას უფრო მომზადებულად დახვდენოდნენ.
სიახლეები
- "ომით ვერ შევძლებთ ტერიტორიების დაბრუნებას და ქვეყნის გაერთიანებას, ამიტომ ჩვენი სტრატეგიული მოთმინების და მშვიდობიანი პოლიტიკა ტერიტორიების მშვიდობიანი დაბრუნების და გაერთიანებისკენ არის მიმართული"
- "2008 წლის ომი გარე დაკვეთით, სწორედ „ნაციონალებმა“ დაიწყეს" - ბიძინა ივანიშვილი
- როგორ უნდა ვებრძოლოთ გენდერული ნიშნით ძალადობის პრობლემას
- "პოლიცია მუშაობს, აუცილებლად იქნება დასჯილი დამნაშავე" - თეიმურაზ კუპატაძე კესარია აბრამიძის მკვლელობის საქმეზე
- "კესარია აბრამიძის მკვლელობის ფაქტი კიდევ ერთი დასტურია იმისა, რომ სიძულვილისა და გენდერული იდენტობის მოტივით ჩადენილი დანაშაულების მიმართ სამართალდამცავი ორგანოების და საზოგადოების რეაგირება განსაკუთრებით მკაცრი უნდა იყოს"