"ჩინეთმა უდიდესი ტკივილი გამოიწვია და მას მოუწევს ამასთან დაკავშირებული ფასის გადახდა"
ჩინეთმა უდიდესი ტკივილი გამოიწვია, ბევრი სიცოცხლის დაკარგვა და ახლა მსოფლიო ეკონომიკა უდიდესი გამოწვევის წინაშე დგას, - ამის შესახებ აშშ-ის სახელმწიფო მდივანმა, მაიკ პომპეომ „ფოქს ნიუსის“ ეთერში განაცხადა.
მისი თქმით, ვაშინგტონი ჩინეთის „კომუნისტური პარტიის“ მხრიდან სრულ გამჭვირვალობას ჯერ კიდევ ვერ ხედავს.
„მე ჯერ კიდევ შეშფოთებული ვარ, რომ არის რაღაცეები, რაც არ ვიცით. ჩვენ არ ვიცით ისტორია და ვერ ვგზავნით ჩვენს ჯგუფს ადგილზე, რომ გააკეთოს ის სამუშაო, რაც აუცილებელია. ეს არის მიმდინარე გამოწვევა და აშკარაა, რომ ჩინეთის „კომუნისტურმა პარტიამ“ და ჯანდაცვის მსოფლიო ორგანიზაციამ ვერ შეასრულეს თავიანთი ვალდებულებები. ჩინეთს მოუწევს ამასთან დაკავშირებული ფასის გადახდა“,-დასძინა პომპეომ.
ცნობისთვის, ჩინეთი კორონავირუსის შესახებ რეალური ინფორმაციის დამალვაში არაერთხელ დაადანაშაულეს აშშ-ის ლიდერებმა. ქვეყნის პრეზიდენტმა, დონალდ ტრამპმა განაცხადა, რომ პეკინს რეალური ინფორმაცია რომ მიეწოდებინა მსოფლიოსთვის, ქვეყნები აღნიშნულ გამოწვევას უფრო მომზადებულნი შეხვდებოდნენ.
სიახლეები
- "ომით ვერ შევძლებთ ტერიტორიების დაბრუნებას და ქვეყნის გაერთიანებას, ამიტომ ჩვენი სტრატეგიული მოთმინების და მშვიდობიანი პოლიტიკა ტერიტორიების მშვიდობიანი დაბრუნების და გაერთიანებისკენ არის მიმართული"
- "2008 წლის ომი გარე დაკვეთით, სწორედ „ნაციონალებმა“ დაიწყეს" - ბიძინა ივანიშვილი
- როგორ უნდა ვებრძოლოთ გენდერული ნიშნით ძალადობის პრობლემას
- "პოლიცია მუშაობს, აუცილებლად იქნება დასჯილი დამნაშავე" - თეიმურაზ კუპატაძე კესარია აბრამიძის მკვლელობის საქმეზე
- "კესარია აბრამიძის მკვლელობის ფაქტი კიდევ ერთი დასტურია იმისა, რომ სიძულვილისა და გენდერული იდენტობის მოტივით ჩადენილი დანაშაულების მიმართ სამართალდამცავი ორგანოების და საზოგადოების რეაგირება განსაკუთრებით მკაცრი უნდა იყოს"