ბრაზილიამ კორონავირუსით დაღუპულთა რაოდენობით იტალიას გადაუსწრო
ბრაზილიაში, ბოლო 24 საათში, კოროავირუსისგან 1 473 ადამიანი დაიღუპა, რაც ქვეყნისთვის რეკორდული მაჩვენებელია, - ამის შესახებ ქვეყნის ჯანდაცვის სამინისტრო იუწყება.
მათივე ინფორმაციით, ბრაზილიაში კოვიდ 19-ის შედეგად დაღუპულთა საერთო რაოდენობამ 34 021-ს მიაღწია, რაც, „ჯონს ჰოპკინსის უნივერსიტეტის“ მონაცემების თანახმად, იტალიაში დაფიქსირებული ფატალური შემთხვევების მაჩვენებელს აღემატება, სადაც ვირუსს დღემდე 33 689 ადამიანის სიცოცხლე ემსხვერპლა.
ბრაზილიის ჯანდაცვის სამინისტროს ინფორმაციით, ბოლო დღე-ღამის განმავლობაში ქვეყანაში ვირუსის 30 925 ახალი შემთხვევა დადასტურდა და დაინფიცირებულთა რაოდენობამ 614 941-ს მიაღწია.
ცნობისათვის, ბრაზილია კორონავირუსით დაღუპულთა რაოდენობით მესამე ქვეყანა გახდა მსოფლიოში აშშ-სა და დიდი ბრიტანეთის შემდეგ, დადასტურებული შემთხვევებით კი ის მხოლოდ აშშ-ს ჩამორჩება.
სიახლეები
- უცხოური ვალუტის ოფიციალური კურსი 14 ოქტომბრისთვის
- "4 ოქტომბრის ერთ-ერთი მთავარი არასწორი გათვლა იყო რეჟიმის სწრაფი ჩამოშლის შესაძლებლობის გადაჭარბებით შეფასება" - მიხეილ სააკაშვილი
- "Tomahawk-ის რაკეტების უკრაინისთვის მიწოდება ყველასთვის შეიძლება ცუდად დასრულდეს და უპირველეს ყოვლისა, თავად ტრამპისთვის" - დიმიტრი მედვედევი
- " საქართველოს მიმართ ჩეხეთის ურყევი მხარდაჭერისთვის მადლობელი ვარ" - სალომე ზურაბიშვილი
- "ამერიკელები გარკვეული პერიოდის განმავლობაში მზად იყვნენ, გადაეხაზათ ყველაფერი, რაც უკრაინის მხარდაჭერას უკავშირდებოდა, ბაიდენმა ზელენსკიზე თქვა, რომ ის შემაწუხებელია"
