რუსეთი უკრაინის საზღვართან სხვა სამედიცინო მასალასთან ერთად სისხლის მარაგის მიწოდებასაც ახორციელებს, - ინფორმაციას Reuters-ი სამ ამერიკელ ოფიციალურ პირზე დაყრდნობით ავრცელებს, რომელთა ვინაობას არ ასახელებს.
თეთრი სახლის ეროვნული უშიშროების საბჭოს პრესსპიკერის, ემილი ჰორნის განცხადებით, აშშ-ის პრეზიდენტმა ჯო ბაიდენმა უკრაინის პრეზიდენტს ვოლოდიმირ ზელენსკის სატელეფონო საუბარში უთხრა, რომ შესაძლოა, რუსეთი უკრაინაში თებერვლის თვეში შეიჭრას:
რუსეთის საგარეო საქმეთა მინისტრი სერგეი ლავროვი აცხადებს, რომ თუკი რუსეთის მიერ შეთავაზებულ უსაფრთხოების გარანტიების შესახებ წინადადებებზე დასავლეთი კონკრეტულ პასუხს არ წარადგენს, მოსკოვი აუცილებელ საპასუხო ზომებს მიიღებს.
ეს კრიზისი გასული წლის დეკემბერში არ დაწყებულა, რუსეთი ევროპის უსაფრთხოებას ძირს წლებია, უთხრის. მისი სამხედრო გაძლიერება მას შემდეგ დაიწყო, რაც ყირიმში, დონბასსა და საქართველოში ძალა გამოიყენა, – ამის შესახებ საგარეო საქმეთა და უსაფრთხოების საკითხებში ევროკავშირის უმაღლესი წარმომადგენელმა, ჯოზეფ ბორელმა განაცხადა.
უკრაინის უმაღლესი რადა მოითხოვს, რომ უკრაინის ნატო-ში გაწევრიანების კონკრეტული ვადები განისაზღვროს. ამის შესახებ ნათქვამია განცხადებაში, რომლითაც უკრაინის საკანონმდებლო ორგანოს წევრებმა საერთაშორისო ორგანიზაციებსა და სხვა ქვეყნების პარლამენტებს მიმართეს.
რუსეთის ხელისუფლებამ ალექსეი ნავალნი ტერორისტულ და ექსტრემისტულ საქმიანობასთან დაკავშირებული ორგანიზაციებისა და პირების სიაში შეიყვანა, - ინფორმაციას „ინტერფაქსი“ ავრცელებს.
