უკრაინის ქალაქ ჩერნიგოვში რუსეთის საოკუპაციო ჯარებმა 9-სართულიანი საცხოვრებელი კორპუსი დაბომბეს, არის მსხვერპლი. ამის შესახებ „ბიბისი“ უკრაინის საგანგებო სიტუაციების სამსახურზე დაყრდნობით ავრცელებს ინფორმაციას.
უკრაინა მზად არის მოლაპარაკებებისთვის, ომის დასრულების მიზნით, მაგრამ არ დანებდება და არ მიიღებს რაიმე სახის ულტიმატუმს, – „როიტერის“ ცნობით, ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.
რუსეთს შეუძლია უკრაინის დედაქალაქის აღება მხოლოდ იმ შემთხვევაში, თუ ის „ქალაქს მიწასთან გაასწორებს“, - ამის შესახებ უკრაინის პრეზიდენტმა ვოლოდიმირ ზელენსკიმ კიევში გამართულ პრესკონფერენციაზე განაცხადა. ინფორმაციას „როიტერსი“ ავრცელებს.
ვატიკანი მზადაა გააკეთოს "ყველაფერი, რაც შესაძლებელია", რათა ცეცხლის შეწყვეტის მიღწევასა და უკრაინაში ომის დასრულების შუამავლობას ხელი შეუწყოს. ინფორმაციას ამის შესახებ CNN ავრცელებს.
ცალკეულ დასახლებულ პუნქტებში, რომლებზე კონტროლიც რუსულმა ჯარმა დროებით დაამყარა, აგრესორი არღვევს საერთაშორისო ჰუმანიტარულ სამართალს, ტყვედ აჰყავს და აწამებს ადგილობრივ მოსახლეობას,- ამის შესახებ ინფორმაციას უკრაინის შეიარაღებული ძალების გენშტაბი ავრცელებს.
„ვლადიმერ პუტინი უკრაინის წინააღმდეგ წარმოებულ საინფორმაციო ომში მარცხდება“, – ამ სათაურით აქვეყნებს სტატიას ამერიკის შეერთებული შტატების ერთ-ერთი ყველაზე დიდი ანალიტიკური ორგანიზაცია „ატლანტიკური საბჭო“. სტატიის ავტორი შვედი პოლიტოლოგი და ეკონომისტი ანდერს ოსლანდია.
