ბრიტანულ ჟურნალ „ნიუ სთეითესმან“-ში (New Statesman) ქვეყნდება სტატია სათაურით „როგორი იქნება რუსეთის შეტევა უკრაინაზე“ (ავტორი - იდო ბოკი). პუბლიკაციაში რუსეთ-უკრაინის ომის სავარაუდო სცენარებია განხილული, გაანალიზებულია დაპირისპირებულ მხარეთა განზრახვები, გეგმები და ა.შ.
ბრიტანულ გაზეთ „გარდიან“-ში (The Guardian) დაბეჭდილია სტატია სათაურით „ახლა რთული დროა“: რატომ გახდა ჯო ბაიდენი აშშ-ის ერთ-ერთი ყველაზე არაპოპულარული პრეზიდენტი?“ (ავტორი - ლორენ გამბინო), რომელშიც განხილულია ჯოზეპ ბაიდენის პრეზიდენტობის პირველი წლის შედეგები.
აშშ-ის ალერგიისა და ინფექციური დაავადებების ცენტრის დირექტორის, ენტონი ფაუჩის განცხადებით, ჯერ ნაადრევია იმის თქმა, არის თუ არა „ომიკრონი“ კორონავირუსის პანდემიის ბოლო ტალღა.
კიევის პეჩერსკის რაიონულ სასამართლოში სახელმწიფო ღალატის საქმეზე უკრაინის ექსპრეზიდენტ პეტრო პოროშენკოს აღკვეთის ღონისძიების შეფარდების საკითხის განხილვა მიმდინარეობს.
ასტრონომებმა მზის სისტემის გარეთ კიდევ ერთი შესაძლო ეგზომთვარე აღმოაჩინეს.
აშშ-ში თვითმფრინავების ინოვაციური მოდელების შექმნისათვის კომპანიებს Crystal Cabin Awards-ის ჯილდოები გადასცეს.
