,,გუშინ, რუსეთის საგარეო საქმეთა მინისტრმა ღიად და უყოყმანოდ განაცხადა, რომ ყველაზე დიდი ანტისემიტები სავარაუდოდ, თავად ებრაელებს შორის იყვნენ და რომ ჰიტლერს თითქოს ებრაული სისხლი ჰქონდა. როგორ შეიძლება ამის თქმა ნაციზმზე გამარჯვების წინა დღეს? ეს სიტყვები ნიშნავს, რომ რუსეთის მთავარი დიპლომატი ნაცისტურ დანაშაულში ებრაელ ხალხს ადანაშაულებს. კიევში, ბაბინ იარზე რუსული სარაკეტო თავდასხმის შემდეგ, რუსული დაბომბვებისგან, ნაცისტურ საკონცენტრაციო ბანაკებს გადარჩენილი უბრალო ადამიანების სიკვდილის შემდეგ, მათი მინისტრის ანტისემიტური მიმართულება ნიშნავს, რომ რუსეთმა მეორე მსოფლიო ომის ყველა გაკვეთილი დაივიწყა, ან იქნებ მათ ეს გაკვეთილები არასოდეს უსწავლიათ", - განაცხადა ზელენსკიმ ზელენსკიმ დასძინა, რომ საინტერესოა, თუ როგორი გაგრძელდება ისრაელის ელჩის დიპლომატიური მისია მოსკოვში.
უკრაინის პრეზიდენტმა ვოლოდიმირ ზელენსკიმ, ომის 67-ე დღის შემაჯამებელ ვიდეომიმართვაში რუსეთის ჯარების მიერ, უკრაინის ტერიტორიაზე განხორციელებულ დარტყმებზე გაამახვილა ყურადღება.
წითელი ჯვრის საერთაშორისო კომიტეტმა დაადასტურა, რომ მარიუპოლიდან მშვიდობიანი მოსახლეობის ევაკუაციის პროცესი მიმდინარეობს.
გერმანიის მთავრობა, ევროკავშირის გეგმებს, რუსეთის ნავთობზე ემბარგოს დაწესების შესახებ მხარს უჭერს.
თურქეთის პოლიციამ დააკავა ათობით დემონსტრანტი, რომლებიც სტამბოლში, ტაქსიმის მოედანზე შრომის დღესთან დაკავშირებულ დემონსტრაციაზე შეკრებას ცდილობდნენ.
ბრიტანეთის პრემიერ-მინისტრმა, ბორის ჯონსონმა და უკრაინის პრეზიდენტმა ვოლოდიმირ ზელენსკიმ სატელეფონი საუბარი გამართეს.
„პრემიერ-მინისტრმა კიდევ ერთხელ დაადასტურა, რომ უკრაინის გაძლიერებისა და პუტინის წარუმატებლობის უზრუნველყოფის ერთგულია ისე, როგორც არასდროს და აღნიშნა, თუ რამდენად მედგრად იბრძვიან უკრაინელები საკუთარი თავისუფლებისთვის”, – ნათქვამია სატელეფონო საუბრის შესახებ ბრიტანეთის პრემიერის ადმინისტრაციის განცხადებაში.
მათივე ცნობით, დიდი ბრიტანეთის პრემიერმა დაადასტურა, რომ გაერთიანებული სამეფო გააგრძელებს დამატებით სამხედრო დახმარებას, რათა უკრაინელებს მიაწოდოს აღჭურვილობა, რომელიც მათ დასაცავად სჭირდებათ. ამასთან, ლიდერებმა გაერო-ს ხელმძღვანელობით მარიუპოლის ევაკუაციის მცდელობის პროგრესი განიხილეს. ასევე, ბორის ჯონსონმა უკრაინის პრეზიდენტს შემდგომი ეკონომიკური და ჰუმანიტარული მხარდაჭერა შესთავაზა.
დიდი ბრიტანეთის პრემიერთან გამართულ სატელეფონო საუბართან დაკავშირებით „ტვიტერში” წერს უკრაინის პრეზიდენტიც.
„ვინარჩუნებ მუდმივ კონტაქტს ბრიტანეთის პრემიერ-მინისტრ ბორის ჯონსონთან. ვესაუბრე ბრძოლის ველზე და ბლოკირებულ მარიუპოლში არსებულ ვითარებაზე. განვიხილეთ უკრაინის თავდაცვის მხარდაჭერა და მშვიდობის მისაღწევად აუცილებელი დიპლომატიური ძალისხმევა“, – წერს ვილოდიმირ ზელენსკი.
