პირობას გაძლევთ, არც ირაკლი ღარიბაშვილი, არც მე და არც ჩვენი გუნდის სხვა ლიდერები, რომელთაც შეხება აქვთ დიასპორასთან, არ იქნებიან რუსეთში იმ დრომდე, სანამ საქართველოს ტერიტორიული მთლიანობა არ აღდგება, - ამის შესახებ საპარლამენტო უმრავლესობის დეპუტატმა, ბექა ოდიშარიამ ჟურნალისტებთან საუბრისას განაცხადა, რითაც ქართული დიასპორის ხელმძღვანელის მიერ საქართველოს პრემიერ-მინისტრის მოსკოვში მიწვევასთან დაკავშირებით გავრცელებულ ცნობას გამოეხმაურა.
„სტრატეგია აღმაშენებლის“ წევრი პაატა მანჯგალაძე აცხადებს, რომ ცხრაპუნქტიან გეგმასთან დაკავშირებით 29 იანვარს პოლიტიკურ ჯგუფებთან და სამოქალაქო საზოგადოების წარმომადგენლებთან დაგეგმილ სამუშაო შეხვედრაში მონაწილეობას მიიღებს.
აღმოსავლეთ პარტნიორობის 2023 წლის ინდექსში, საერთო ქულებით, საქართველო, მოლდოვისა და უკრაინის შემდეგ მესამე ადგილს იკავებს. კერძოდ, მოლდოვა პირველ ადგილზეა 0.7 ქულით, უკრაინა მეორეზე - 0.66 ქულით და საქართველო მესამეზე - 0.63 ქულით.
ზუსტად ვიცი, ვინ უშლიდა ხელს საქართველოს ევროინტეგრაციას, მართლა კაბინეტ -კაბინეტ ვინ დადიოდა. ქართველ პოლიტიკოსებს ვგულისხმობ, ძირითადად, ოპოზიცია იყო, კონკრეტული სახელი და გვარები ვიცი, - ამის შესახებ „საქართველოს პროფკავშირების გაერთიანების“ თავმჯდომარემ, ირაკლი პეტრიაშვილმა „ინტერპრესნიუსთან“ ინტერვიუში განაცხადა.
დიდი მადლობა საზოგადოებრივი მიმართვის ყველა ინიციატორსა და დღევანდელი შეხვედრის ყველა მონაწილეს - კიდევ ერთხელ, ჩემი მთავარი ამოცანა, საკუთარ თავზე მეტად, ჩვენი ხალხის დახსნაა,- ამის შესახებ საქართველოს მესამე პრეზიდენტი მიხეილ სააკაშვილის მიმართვა მის „ფეისბუქ“ გვერდზე გავრცელდა.
თუ სალომე ზურაბიშვილი ქართული ოპოზიციის ლიდერი გახდება, გამოდის, რომ „ქართული ოცნების" მეგობარი არის ქართული ოპოზიციის ლიდერი - არ ვიცი, ამას იზამს თუ არა ჩვენი ოპოზიცია, მაგრამ შემიძლია ზუსტად გითხრათ, რომ მე ამ საქმეში არ გავერევი, - ამის შესახებ “გირჩის" დეპუტატმა, იაგო ხვიჩიამ „ხალხის ძალის“ განცხადების კომენტირებისას აღნიშნა.
