თუშეთში, ქორწილში დაჭრილი სამი მამაკაცი, მათ შორის სიძე, ამ დრომდე საავადმყოფოში რჩება
თუშეთში, ქორწილში ცივი იარაღით დაჭრილი სამი მამაკაცი, მათ შორის სიძე, ამ დრომდე საავადმყოფოში რჩება. ერთ - ერთი დაჭრილი, თელავის რეფერალურ საავადმყოფოში, მეორე კი ყამბარაშვილის კლინიკაშია მოთავსებული. მესამე მამაკაცი კი თბილისში გადაიყვანეს.
დაშავებულებს მრავლობითი ჭრილობა სხეული სხვადასხვა არეში აქვთ. ექიმების თქმით, ამ ეტაპზე არცერთი მათგანის სიცოცხლეს საფრთხე არ ემუქრება.
შემთხვევა რამდენიმე დღის წინ სოფელ ომალოში მოხდა. დაჭრას წინ ახალგაზრდებს შორის ურთიერთშელაპარაკება უძღოდა.
„ჩვენ როგორც ვიცით, სხვადასხვა სუფრიდან ქორწილში მივიდნენ ახალგაზრდები ნასვამ მდგომარეობაში, რასაც მოჰყვა ჯერ სიტყვიერი, შემდეგ კი ფიზიკური დაპირისპირება. ამ შეხლა - შემოხლის დროს დაიჭრა სამი ადამიანი, მათ შორის სიძეც, რომელიც საავადმყოფოშია. ასევე არიან ნაცემები. ეს მოხდა ადგილზე დაწყებული გაუგებრობით", - აცხადებენ ადგილობრივები.
მომხდარზე გამოძიება ჯანმრთელობის განზრახ მძიმე დაზიანების და ჯგუფური ძალადობის მუხლით მიმდინარეობს.
სიახლეები
- "განსაკუთრებული იყო მისი დამოკიდებულება ქუთაისის თეატრის მოყვარულთა საზოგადოების მიმართ" - გარდაიცვალა ნანა ქაჯაია
- ვრცელდება პაპუნა ლოცულაშვილის განცხადება, რომელზეც გორში სამართალდამცველების მხრიდან ფიზიკური ძალადობა განხორციელდა
- "დავბრუნდი 17 წლის მერე და ისევ ემიგრანტი გავხდი, ამჯერად საკუთარ ქვეყანაში“ – ელზა ჯაბიძე
- "ნაციონალურ მოძრაობას“ ნამდვილად არ აქვს უფლება, ისაუბროს ძალადობაზე, სისტემურ დანაშაულზე, ეს მათმა მომხრეებმაც კი გადასარევად იციან" - მიხეილ სარჯველაძე
- „საქართველო იმსახურებს უკეთესს“ სრულიად უკბილო და არაადეკვატური ლოზუნგია, „შემოდგომაზე შევიკრიბებით უფრო მეტი“ კი ძალიან მავნე გეგმაა"
