"კორონავირუსთან დაკავშირებული სიტუაცია ქვეყანაში დაძაბული რჩება, ჯერ პიკი არ გადაგვილახავს"
რუსეთის პრეზიდენტი ვლადიმერ პუტინი აცხადებს, რომ კორონავირუსთან დაკავშირებული სიტუაცია ქვეყანაში დაძაბული რჩება და რუსეთს ჯერჯერობით ვირუსის გავრცელების პიკი არ გადაულახავს.
„ახალი შემთხვევების ყოველდღიური რაოდენობა დასტაბილურდა, მაგრამ ამან არ უნდა დაგვამშვიდოს, ვინაიდან სიტუაცია ჯერ კიდევ დაძაბული რჩება. სპეციალისტები და მეცნიერები აცხადებენ, რომ პიკი ჯერჯერობით გადავლილი არ არის,“ - აღნიშნა პუტინმა.
მისივე თქმით, კორონავირუსთან დაკავშირებით დაწესებული შეზღუდვების მოხსნა ქვეყანაში 12 მაისიდან, ეტაპობრივად განხორციელდება.
„მე დავავალე მთავობასა და რუსეთის ფედერალურ სამსახურს, რომ სახელმწიფო საბჭოს სამუშაო ჯგუფთან ერთად 5 მაისამდე მოამზადონ რეკომენდაციები, რომელიც 12 მაისიდან შეზღუდვების ნაბიჯ-ნაბიჯ მოხსნას ითვალისწინებს,“- განაცხადა პუტინმა.
ცნობისათვის, ბოლო მონაცემებით, რუსეთში კორონავირუსის 93 558 შემთხვევაა დადასტურებული, დაღუპულია 867 ადამიანი.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"