შაბათს, 19 ნოემბერს, კიევიდან სამგზავრო მატარებელი ჩავიდა დეოკუპირებულ ხერსონში. ეს არის ხერსონში ჩასული პირველი შემადგენლობა რუსეთის მიერ უკრაინის წინააღმდეგ მიმდინარე სრულმასშტაბიანი ომის დაწყების შემდეგ, - წერს ადგილობრივი გამოცემა „მოსტი“.
ირანში აქციის მონაწილეებმა ისლამური რესპუბლიკის დამაარსებლის, აიათოლა რუჰოლა ხომეინის საგვარეულო სახლ-მუზეუმს ცეცხლი წაუკიდეს, - ინფორმაციას BBC ავრცელებს.
აშშ-ის რესპუბლიკურ პარტიას უკვე აქვს 218 მანდატი კონგრესის წარმომადგენელთა პალატაში, რაც ნიშნავს, რომ დემოკრატებმა უმრავლესობა დაკარგეს.
აშშ-ის პრეზიდენტი, ჯო ბაიდენი „რესპუბლიკელებს“ აშშ-ის წარმომადგენელთა პალატაში უმრავლესობის მოპოვებას ულოცავს და აცხადებს, რომ მზადაა, ამერიკელების ცხოვრების გასაუმჯობესებლად მათთან ერთად იმუშაოს.
ნატოს გენერალური მდივნის, იენს სტოლტენბერგის განცხადებით, წინასწარი მონაცემებით, პოლონეთში მომხდარი ინციდენტი, სავარაუდოდ, უკრაინის საჰაერო თავდაცვის სისტემის რაკეტით იყო გამოწვეული.
უკრაინის თავდაცვის ძალები, გასული დღის განმავლობაში, თავს დაესხნენ ოკუპანტებს დნიპროს მარცხენა სანაპიროზე და კინბურნსკა კოსას ტერიტორიაზე, - ინფორმაციას უკრაინის ოპერატიული სარდლობა „სამხრეთი“ ავრცელებს.
