ვაცნობიერებთ, რომ დეზინფორმაციის კამპანია, ჰიბრიდული ომის იარაღი რუსეთის არსენალის ნაწილია, ბერლინში, ტიერგარტენის პარკში, მომხდარი მკვლელობაც, რომელზეც სასამართლო მსჯელობა მიმდინარეობს, სერიოზული ინციდენტია, თუმცა რუსეთთან კონსტრუქციული დიალოგის გასაგრძელებლად მიზეზები მაინც არსებობს, - ამის შესახებ გერმანიის კანცლერმა რამდენიმე ევროპულ გამოცემასთან ინტერვიუში განაცხადა, რითაც უპასუხა შეკითხვას, აცნობიერებს თუ არა გერმანია რუსეთიდან მომავალ საფრთხეს.
„ევრონიუსის“ ინფორმაციით, საქართველო იმ ქვეყნების ჩამონათვალში მოხვდა, რომელთა მოქალაქეებს გარე საზღვრების გახსნის შემდეგ, ევროკავშირის ქვეყნებში შესვლის უფლება ექნებათ.
აშშ-ის პრეზიდენტმა, დონალდ ტრამპმა ზებგერითი იარაღის შესაქმნელად და კოსმოსური ტექნოლოგიების განვითარების პროგრამისთვის 1950 წელს მიღებული კანონი აამოქმედა.
უკრაინაში უამინდობის გამო დატბორილია 300 დასახლებული პუნქტი.
გერმანული გაზეთის „ზიუდდოიჩე ცაიტუნგ“-ის («Süddeutsche Zeitung») 24 ივნისის ნომერში გამოქვეყნდა სტატია სათაურით „სტაგნატორი: ვლადიმერ პუტინი რუსეთის ცვლილებებს უფრთხის“, რომელშიც ქვეყნის მართვის მხრივ რუსეთის პრეზიდენტის საქმიანობის სტილია გაანალიზებული, განსაკუთრებული ყურადღება ეთმობა ვლადიმერ პუტინის მოქმედებას კორონავირუსის პირობებში, ომის დასრულების 75-ე წლისთავის აღსანიშნავი სამხედრო აღლუმის წინ (ავტორი - ზილკე ბიგალი).
„გერმანიის დასავლეთ რეგიონებში კორონავირუსმა ისევ დაიწყო ბობოქრობა, ისევ დაიხურა სკოლები და საბავშვო ბაღები, მუზეუმები და გამოფენები...აიკრძალა სოციალური კონტაქტები“, - ნათქვამია რადიო „დოიჩე ველე“-ს («Deutsche Welle») მიერ გამოქვეყნებულ სტატიაში სათაურით „ლოკდაუნი გერმანიის ორ ოკრუგში: კოვიდ-19“-ის მეორე ტალღა?“.
პუბლიკაციაში მიმოხილული და გაანალიზებულია კორონავირუსთან დაკავშირებული სიტუაცია გერმანიაში. განსაკუთრებით ყურადღება ეთმობა სახიფათო ფაქტს - „კოვიდ-19“-ის აფეთქებას გერმანიის დასავლეთ ნაწილში მდებარე რეინ-ვესტფალიის მხარეს ორ ოკრუგში - გიუტერსლოში და ვარენდორფში, არიც ცალკეული ლოკალური აფეთქებები ბერლინშიც. ვირუსოლოგები განგაშს სტეხენ: გერმანია შეიძლება კორონავირუსის მეორე ტალღამ წალეკოს.
ყველაზე საგანგაშო სიტუაციაა გიუტერსლოში, სადაც ბოლო 7 დღის განმავლობაში 338 ახალი შემთხვევა დარეგისტრირდა ასი ათას ადამიანზე. აფეთქების ეპიცენტრი გახდა კომპანია „ტონიერს“-ის ხორცკომბინატი, რომელიც გერმანიაში ხორცის გადამუშავების უდიდეს საწარმოს წარმოადგენს. 7ათასი მოსამსახურიდან „კოვიდ-19“-ით 1700 დაავადდა. რამდენს გადაადეს ავადმყოფმა მუშა-მოსამსახურეებმა ვირუსი, მათ შორის საკუთარი ოჯახის წევრებს, ჯერ-ჯერობით უცნობია, მიმდინარეობს კვლევა.
გერმანელი ვირუსოლოგების აზრით, ხორცკომბინატში არსებული პირობები ვირუსის გავრცელებისათვის იდეალურია: ცივ საამქროებში, სადაც ხორცის დაჭრა ხდება, ადამიანები გვერდი-გვერდ მუშაობენ, მეტრნახევრიანი დისტანციის დაცვა შეუძლებელია. ტექნოლოგიური ხმაურის გამო, მუშებმა რომ ერთმანეთს გააგონონ, საჭიროა ყვირილი, რაც ფილტვებიდან აეროზოლის მკვეთრ გამოფრქვევას იწვევს - კოორნავირუსი ხომ ჰაერ-წვეთოვანი გზით ვრცელდება... დაბალი ტემპერატურა კი მის მდგრადობას ზრდის.
როგორც ჰესენის უნივერსიტეტის ვირუსლოგი ფრიდმან ვებერი ამბობს, საამქროებში არსებულმა დაბალმა ტემპერატურამ და ჰაერში გაბნეულმა კონცენტრირებულმა ამონასუნთქმა აეროზოლმა დახურულ გარემოში გამოიწვია ის, რომ ადამიანები მასობრივად დაავადდნენ. ასეთ სიტუაციაში „კოვიდ-19“ თავს ისე გრძნობს, როგორც თევზი წყალში.
ავტორიტეტული გერმანელი ვირუსლოგი კრისტიან დოსტენი, რომელიც ბერლინის უნივერსიტეტის კლინიკის ვირუსოლოგიის ინსტიტუტს ხელმძღვანელობს, შიშობს, რომ ჩრდილოეთ-რაინ-ვესტფალიაში გავრცელებული კორონავირუსი შეიძლება გერმანიაში „კოვიდ-19“-ის პანდემიის მეორე ტალღის წყარო გახდეს. მან თავის ყოველდღიურ განცხადებაში აღნიშნა, რომ ვირუსის განმეორებითი აფეთქების მიზეზს შემზღუდავი საკარანტინო ზომების ნაადრევ მოხსნაში ხედავს“ „ჩემი აზრით, ერთი თვის შემდეგ ძალიან სერიოზული პრობლემა გვექნება, თუ განგაშს არ ავტეხთ“.
იგივეს მოუწოდებს ბერლინის რობერტ კოხის სახელობის ვირუსოლოგიის ინსტიტუტის დირექტორ ლოტარ ვილერიც: „ჩვენ ფხიზლად უნდა ვიყოთ. როგორც კი ვირუსს გავრცელების შანსს მივცემთ, „კოვიდ-19“ იმავწუთს ისარგებლებს და დღევანდელი მდგომარეობა სანატრელი გავიხდება“.
მოამზადა სიმონ კილაძემ
წყარო: https://p.dw.com/p/3eHFl
