ჩრდილოატლანტიკური ალიანსი ცივი ომის შემდეგ ყველაზე მასშტაბურ სამხედრო წვრთნებს დღეიდან იწყებს. წვრთნები, სახელწოდებით – „მტკიცე დამცველი 2024“ (Steadfast Defender 2024) მაისამდე გაგრძელდება და მასში მონაწილეობას მიიღებს 90 000 სამხედრო. წვრთნებში მონაწილეობას იღებს ალიანსის ყველა წევრი სახელმწიფო და ასევე წევრობის კანდიდატი ქვეყანა შვედეთი.
ავღანეთის პროვინცია ბადახშანის მთებში სამგზავრო თვითმფრინავი ჩამოვარდა, - ინფორმაციას ავღანური მედია ავრცელებს.
რუსეთში, ლენინგრადის ოლქის უსტ-ლუგას პორტში კომპანია Novatek-ის ტერმინალს ცეცხლი გაუჩნდა, - ინფორმაციას რეგიონის გუბერნატორი, ალექსანდრე დროზდენკო „ტელეგრამის“ არხზე ავრცელებს.
ისრაელ-ჰამასის ომის შედეგად, სულ მცირე, 83 ჟურნალისტი დაიღუპა. ინფორმაციას ჟურნალისტთა დაცვის კომიტეტის (CPJ) ავრცელებს.
უნგრეთის პრემიერ-მინისტრმა, ვიქტორ ორბანმა განაცხადა, რომ დაფინანსების შეკავებით ევროკავშირი ვერ აიძულებს უნგრეთს შეცვალოს თავისი პოლიტიკა თავშესაფრისა და LGBTQ უფლებებთან დაკავშირებით. ინფორმაციას ამის შესახებ სააგენტო Bloomberg-ი ავრცელებს.
საფრანგეთის პრეზიდენტმა ემანუელ მაკრონმა განაცხადა, რომ თებერვალში უკრაინას ეწვევა, სადაც უსაფრთხოების გარანტიის შესახებ შეთანხმებას გააფორმებენ, - ინფორმაციას Reuters-ი ავრცელებს.
ემანუელ მაკრონის თქმით, უკრაინას, უახლოეს კვირებში SCALP-ის ტიპის შორ მანძილზე მოქმედ 40 რაკეტასა და რამდენიმე ასეულ ბომბს გადასცემენ.
„ვაპირებთ, უკრაინას გაცილებით მეტი აღჭურვილობა მივაწოდოთ და დავეხმაროთ იმით, რაც მას სჭირდება თავისი ცის დასაცავად. თავად გავემგზავრები უკრაინაში თებერვალში და გავაფორმებ ამ შეთანხმებებს“ - განაცხადა მაკრონმა.
მისი თქმით, ევროპელები უახლოეს კვირებში გააძლიერებენ უკრაინის მხარდაჭერას იმისთვის, რომ მან გააგრძელოს საკუთარი თავის დაცვა რუსეთის წინააღმდეგ, რადგან მოსკოვს არ მიეცეს საშუალება უკრაინა დაამარცხოს, წინააღმდეგ შემთხვევაში ევროპის უსაფრთხოება საფრთხის ქვეშ დადგება.
