თურქეთში საპრეზიდენტო არჩევნების წინასწარი შედეგებით, მოქმედი პრეზიდენტი რეჯეფ თაიფ ერდოღანი ლიდერობს.
უკრაინის პრეზიდენტი ვოლოდიმირ ზელენსკი იტალიის შემდეგ გერმანიაში ჩავიდა.
რუსეთმა უკრაინაში 198 260 ჯარისკაცი დაკარგა, მათგან 590 ბოლო ერთ დღეში. ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.
რუსეთის პრეზიდენტის პრესმდივნის, დიმიტრი პესკოვის განცხადებით, თურქეთის არჩევნებში რუსეთის ჩარევის შესახებ გავრცელებული ინფორმაცია ტყუილია.
უკრაინას მეტი დრო სჭირდება რუსეთის წინააღმდეგ კონტრშეტევის დასაწყებად. ამის შესახებ პრეზიდენტმა ვოლოდიმირ ზელენსკიმ განაცხადა რამდენიმე ევროპულ საზოგადოებრივ მაუწყებელთან, მათ შორის ბრიტანულ BBC-სთან ინტერვიუში.
სომხეთი და აზერბაიჯანი ისევ ერთმანეთს ადანაშაულებენ კონფლიქტის ესკალაციის მცდელობაში. სომხეთის თავდაცვის სამინისტროს ინფორმაციით, დღეს დილით, აზერბაიჯანელმა სამხედროებმა ნაღმმტყორცნებიდან და საარტილერიო დანადგარებიდან დაცხრილეს სომხეთის პოზიციები სოთქის რაიონის მიმართულებით, რასაც სომხეთის შეიარაღებულმა ძალებმა უპასუხეს შესაბამისი „თავდაცვითი და პრევენციული ზომებით“. დაჭრილია 3 სამხედრო.
