ფინანსთა მინისტრობის კანდიდატის, ივანე მაჭავარიანის განცხადებით, მმართველი გუნდისთვის გიორგი გახარიას და მაია ცქიტიშვილის წასვლა დანაკლისია.
მოსკოვის საქალაქო სასამართლომ არ დააკმაყოფილა ალექსეი ნავალნის საჩივარი მის წინააღმდეგ გამოტანილ განაჩენთან დაკავშირებით და წინა ინსტანციის სასამართლოს გადაწყვეტილება, ნავალნისთვის პირობითი სასჯელის პატიმრობით შეცვლასთან დაკავშირებით კანონიერად ცნო, - ამის შესახებ ინფორმაციას რუსული მედია ავრცელებს.
დიალოგზე უარი „ქართულ ოცნებას“ არასდროს უთქვამს, ჩვენ კარი არასდროს დაგვიხურავს. შესაბამისად, ამისთვის ყოველთვის მზად ვიყავით, ამის დამადასტურებელია ის, რომ ძალიან ბევრჯერ გაიმართა შეხვედრები ფასილიტატორი ელჩების ჩართულობით და ახლაც არის დიალოგისთვის მზადყოფნა, - ამის შესახებ თბილისის მერმა კახა კალაძემ განაცხადა.
გერმანიის კანცლერის, ანგელა მერკელის განცხადებით, გერმანიასა და სხვა მდიდარ ქვეყნებს შესაძლოა ფულის გარდა ვაქცინების საკუთარი მარაგის გადაცემა დასჭირდეს განვითარებადი ქვეყნებისთვის, რადგან მხოლოდ მთლიანი მსოფლიოს ვაქცინაციით დასრულდება კორონავირუსის პანდემია.
რეგიონული განვითარებისა და ინფრასტრუქტურის მინისტრმა, მაია ცქიტიშვილმა თანამდებობა დატოვა. ამის შესახებ „ქართული ოცნების“ პოლიტსაბჭოს სხდომის დასრულების შემდეგ გახდა ცნობილი.
NASA-ს მარსმავალის Perseverance-ის ("შეუპოვრობა") ბორტკომპიუტერზე, პლანეტა მარსზე დაშვების დროს, მილიონობით ადამიანის მონაცემებთან ერთად იყო ქართული წარწერა "აფხაზეთი საქართველოა, ჩვენ დავბრუნდებით".
ფეთქებადსაშიში სიტუაცია - ასე აფასებს ფლორიდის საერთაშორისო უნივერსიტეტის უფროსი მკვლევარი, დევიდ კრამერი საქართველოში მიმდინარე პოლიტიკურ პროცესებს.
გუშინ, სპეციალურად გამართულ ბრიფინგზე გიორგი გახარიამ ყველასთვის მოულოდნელად, პრემიერ-მინისტრის პოსტიდან გადადგომის გადაწყვეტილება გააჟღერა. მიზეზად, ნიკა მელიას დაკავების ირგვლივ განვითარებული მოვლენები დაასახელა.
Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 16 391 კვლევა ტესტით, მათ შორის 10 091 კვლევა ანტიგენის ტესტით და 6 300 PCR ტესტით.
